Thursday, September 30, 2010

قمرين

مريم علي اليمين و فاطمة الزهراء علي الشمال
الحياة فيها مفاجآت كتير
ساعات بتبقي وحشة ساعات بتبقي حلوة
إنما الحمد لله المرة دي المفاجأة مفاجأتين
والاتنين أحلي من بعض
و نعمتين مش عارفة أشكر ربنا عليهم إزاي
كل اللي أتمناه من ربنا إنهم يكونوا صالحتين و مصلحتين و يكونوا أحسن مني و نحقق سوا كل اللي أخَرته و كل اللي هم يتمنوه
مريم هي البنوتة الشقية اللي بتعمل دوشة و بتتحرك كتير و بتسهرني و بتطلع عيني
الزهراء دي بقي زهرة و هي فعلا بنتي الكبيرة الهادية العاقلة الرزينة
حتي لما بتجوع مش بتعيط عشان كدة براقبها كتير
وصوت عياطها رقيق جدا جدا جدا
ربنا يخليكوا ليا و يجعلكم قرة عين ليا و لباباكم

4 comments:

  1. يا حبيبتي يا هبة...بجد قمرين

    الف الف الف مبروك..ربنا يباركلك فيهم وتفرحي بيهم يااااارب

    انا لسة شايفة البوست النهاردة بس مش هتصدقي لو قلتلك اني امبارح بليل حلمت بيهم..والله العظيم حلمت بيهم ولما شوفت الصورة النهاردة مكنتش مصدقة علشان كان بقالي فترة بفكر فيكي وانك هتولدي امتى وانا مش هكون موجودة بس الحمد لله ربنا قومك بالسلامة

    يتربوا في عزك يا ام العيال :D

    :ملحوظة
    البنات في الحلم اساميهم كانت مختلفة على فكرة :D
    كانوا حبيبة و هيام ومتسألنيش اشمعنى الاسمين دول بالذات

    ReplyDelete
  2. ما شاء الله لا قوة الا بالله .. مبروك يا هبة ألف ألف مبروك .. ربنا يعينك ويقدرك ويقويكي ويباركلك فيهم يارب ويحميهم من العين يا حبيبتي

    على فكرة بقى انتى وحشاني أوي ومختفية خالص ومش عارفة أوصلك ع الفيسبوكس حتى
    :D

    ReplyDelete
  3. ربنا يخليهم لك يارب وتفرحي بيهم أحلى حاجة البنات وكمان توأم يبقوا أحلى وأحلى ربنا يجلهم ذرية صالحة ويسعدهم ويسعدك بيهم يارب
    تحياتي

    ReplyDelete